నిరుద్యోగులకు శుభవార్త..ఐటీబీపీలో ఉద్యోగాలకు నోటిఫికేషన్

నిరుద్యోగులకు ఇండో-టిబెటన్ బోర్డర్ పోలీస్ ఫోర్స్(ITBP) శుభవార్త చెప్పింది. ఐటీబీపీలో కానిస్టేబుల్ డ్రైవర్ పోస్టుల భర్తీకి నోటిఫికేషన్ రిలీజ్ చేసింది. ఈ నోటిఫికేషన్ ద్వారా మొత్తం 545 కానిస్టేబుల్ పోస్టులను భర్తీ చేయనున్నారు. జనరల్ కేటగిరీలో 209 పోస్టులు, ఎస్సీ కేటగిరీలో 77 పోస్టులు. ఎస్టీ కేటగిరీలో 40 పోస్టులు, ఓబీసీ కేటగిరీలో 164 పోస్టులు, ఈడబ్ల్యూఎస్ కేటగిరీలో 55 పోస్టులు ఖాళీ ఉన్నాయి. ఈ పోస్టులకు ధరఖాస్తు చేసుకునే అభ్యర్థులు 21 నుంచి 27 ఏళ్ల మధ్య వయస్సు కలిగి పదో తరగతి పూర్తి చేసి హెవీ వెహికల్ డ్రైవింగ్ లైసెన్స్ కలిగి ఉండాలి. ఆసక్తి గల అభ్యర్థులు http://recruitment.itbpolice.nic.in ద్వారా ఆన్లైన్లో దరఖాస్తు చేసుకోవచ్చు. దరఖాస్తు చేసుకోవడానికి లాస్ట్ డేట్ 6 నవంబర్ 2024.